Kinst it al, mar joust it net. Dat is net omdatst der net om joust, krekt oarsom sels. Frysk sit dy yn it bloed. En no is dyn taal dyn kâns. It Frysk krijt de kommende jierren in hieltyd gruttere rol yn it ûnderwiis. Fan pjut oant promovendus. Dêrom binne der leararen Frysk nedich. Wat foar dy? De taal is der, no de leararen noch. Jousto de taal takomst? Jou Frysk, want ast joust om it Frysk, kinst écht Frysk jaan. Jou mear, jou Frysk!
Asto no op de pabû sitst, kinst in semester Frysk folgje foar it heljen fan dyn foech Frysk. Dêrmei kinst Frysk jaan yn it primêr ûnderwiis en Frysk taheakje oan dyn lessen foar de klasse.
Ast yn de ôfrûne fiif jier oan de pabû ôfstudearre bist sûnder foech Frysk foar it basisûnderwiis, kinst dat noch helje. Dêrmei kinst Frysk jaan yn it primêr ûnderwiis. As ‘alumni’ kinst dy ek oanmelde foar de dieltiidoplieding Leraar Frysk, dy’t twa oant trije jier duorret. Mei dy oplieding kinst Frysk jaan yn it fuortset ûnderwiis.
